KQZ

Mirë se vini!

Nëse jeni zgjedhës me qëndrim jashtë territorit të Republikës së Shqipërisë, ju do të mund të votoni për deputetët e Kuvendit të Shqipërisë, nga shteti ku ju keni vendqëndrimin.

Për të ushtruar këtë të drejtë, paraprakisht ju duhet të regjistroheni në listën e zgjedhësve të votuesve nga jashtë. Regjistrimi në listë bëhet nëpërmjet Platformës Elektronike për Regjistrimin e votuesve nga jashtë (PER-it) e cila administrohet nga Komisioni Qendror i Zgjedhjeve.

Pasi të jeni regjistruar në Listën e Zgjedhësve nga jashtë vendit, Komisioni Qendor i Zgjedhjeve do t’ju dërgojë fletën e votimit dhe materiale të tjera udhëzuese tek adresa që ju keni deklaruar në PER.

Dërgimi i fletës së votimit bëhet nga Komisioni Qendror i Zgjedhjeve nëpërmjet shërbimit postar.

Pasi të keni marrë fletën e votimit, ju e plotësoni atë sipas udhëzimeve të Komisionit Qendror të Zgjedhjeve, duke zgjedhur subjektin zgjedhor dhe/ose kandidatin që dëshironi. Fleta e votimit dërgohet mbrapsht në Komisionin Qendror të Zgjedhjeve duke llogaritur kohën që ajo të mbërrijë në këtë institucion, jo më vonë se ora 19:00 e datës 11 Maj 2025.

Kostot e shërbimit postar për dërgimin e fletës së votimit nga Komisioni Qendror i Zgjedhjeve tek ju, si dhe kthimin e saj nga ju për tek Komisioni Qendror i Zgjedhjeve, do të paguhen të gjitha nga shteti shqiptar.