Komisioni Rregullator miratoi rregullat e procedurës së mbledhjes dhe administrimit të nënshkrimeve për nismat ligjvënëse të zgjedhësve në Republikën e Shqipërisë.

Ky vendim përcakton rregulla të hollësishme procedurale që do të ndiqen për organizimin, administrimin dhe verifikimin e procesit të mbledhjes së nënshkrimeve nga zgjedhësit, në funksion të ushtrimit të së drejtës për nismat ligjvënëse.

Gjithashtu, synohet unifikimi praktikave administrative që lidhen me administrimin e formularëve të nënshkrimeve, mënyrën e identifikimit të mbështetësve, procedurat e dorëzimit të nënshkrimeve, si dhe detyrimet e subjekteve përgjegjëse për administrimin e këtij procesi.