Sot, Komisioneri Shtetëror i Zgjedhjeve shpalli vendimet për 3 shqyrtime administrative, për denoncimet nr. 57 ID dhe nr. 69 ID, të Partisë Demokratike dhe nr. 58 ID, të z. Erjon Murataj.

KSHZ vendosi pushimin e shqyrtimit administrative ndaj kryetarëve të bashkive Roskovec, Elbasan, Shkodër.

Përfundoi shqyrtimi administrativ për denoncimet e Partisë Demokratike me nr. 81 ID, nr. 82 ID, nr. 83 ID, nr. 84 ID, nr. 85 ID, 88 ID, nr. 53 ID, dhe nr. 59 ID, të Organizatës Qëndra “Qendresa Qytetare”. Vendimet do të shpallen në seancën e radhës.

Me kërkesë të subjekteve zgjedhore u shty shqyrtimi i projektudhëzimit “Për përcaktimin e rregullave për mbledhjen, administrimin e publikimin e rezultatit paraprak të zgjedhjeve dhe miratimin e modeleve të dokumentacionit për nxjerrjen e rezultateve për zgjedhjet për Kuvend”.

Gjithashtu, u shqyrtuan 13 raportet e shkeljeve të depozituara në KQZ nga monitoruesit në periudhën 23-34 Prill 2025.

KSHZ kërkoi mbylljen e zyrave zgjedhore të hapura dhe heqjen e materialeve propagandistike nga fasadat e banimeve, që janë në kundërshtim me udhëzimin nr. 6, datë 23.3.2021, të KSHZ:

1. Partisë Socialiste në bashkitë Korçë, Durrës, Elbasan, Kamëz, Krujë, Shijak;
2. koalicionit “Partia Demokratike – Aleanca për Shqipërinë Madhështore” në bashkinë Lushnje;
3. Partisë Mundësia në bashkinë Lushnje.

Në seancën e sotme, u vendos dhënia e autorizimit për ndryshimin e disa qendrave të votimit në bashkitë Durrës dhe Mirditë.