Sot, Komisioni i Ankimimeve dhe Sanksioneve shqyrtoi kërkesën ankimore nr. 13, datë 28.04.2025, me ankues Partia Demokratike - Aleanca për Shqipërinë Madhështore, me objekt: “Kundërshtimi i Vendimit të KSHZ, për mospranimin e kërkesës së PD-ASHM lidhur me shkarkimin e anëtarit të KZAZ nr. 93 zj. Eva UZEIR dhe Sekretarit të KZAZ nr. 93, z. Julian LAKO, vendimmarrje ardhur me anë të shkresës "Kthim përgjigje, Nr. Prot., 2996/2, datë 25.04.2025. Ndryshimi i vendimit të KSHZ-së, duke urdhëruar shkarkimin e anëtarit të KZAZ-së nr. 93 zj. Eva UZEIR dhe Sekretarit të KZAZ-së nr. 93, z. Julian LAKO”.

Në përfundim të shqyrtimit, KAS pranoi pjesërisht kërkesën ankimore dhe bazuar në nenin 171, pika 1 të Kodit Zgjedhor vendosi sanksionimin e z. Julian Lako me gjobë në masën 3000 mijë (lekë) dhe rrëzimin e kërkesës ankimore për pjesën tjetër të objektit.