Sot, Komisioneri Shtetëror i Zgjedhjeve shqyrtoi kërkesat e pajisjen me fletë tip për mbledhjen e nënshkrimeve për zhvillimin e referendumeve të përgjithshme për:

1. shfuqizimin e ligjit nr. 20, datë 13.3.2025 “Për paketën e maleve”.
2. shfuqizimin e ligjit nr. 55, datë 28.05.2015 “Për investimet strategjike në Republikën e Shqipërisë”.

Të dy kërkesat janë bërë nga Grupi Nismëtar për mbledhjen e nënshkrimeve për Referendum, i përbërë nga 12 anëtarë: z. Adriatik Lapaj, zj. Dorina Prethi, z. Elton Laska, zj. Edona Haklaj, zj. Agustella Thoma, z. Alfred Matoshi, z. Alban Afmeti, z. Erjon Selmani, zj. Sajmire Hoda, z. Albert Shkalla, zj. Melanika Lleshi, z. Erjon Bacaj.

Në përfundim të shqyrtimit të kërkesave, Komisioneri vendosi miratimin e fletës tip për mbledhjen e nënshkrimeve për zhvillimin e referendumit të përgjithshëm për shfuqizimin e ligjit nr. 20, datë 13.3.2025 “Për paketën e maleve” dhe fletës tip pëmbledhjen e nënshkrimeve për zhvillimin e referundumit të përgjithshëm për shfuqizimin e ligjit nr. 55, datë 28.05.2015 “Për investimet strategjike në Republikën e Shqipërisë”.

Në seancën e sotme publike u shqyrtuan rezultatet e verifikimit të Prokurorit të Përgjithshëm për subjektet vetëdeklaruese:

1. Z. Gazmir Memaj, kandidat për deputet i propozuar nga Koalicioni “Nisma Shqipëria Bëhet - Adriatik Lapaj”, Qarku Shkodër, për zgjedhjet për Kuvend të datës 11 maj 2025;
2. Z. Tonin Marinaj, Kryetar Bashkie në Bashkinë Malësi e Madhe, Qarku Shkodër, i propozuar nga “Partia Socialiste e Shqipërisë”, për zgjedhjet e organeve të vetëqeverisjes vendore të datës 14 maj 2023.

KSHZ vendosi deklarimin e procedurës administrative të përfunduar dhe pa vendim përfundimtar për subjektin vetëdeklarues z. Gazmir Memaj pasi vlerësohet se ka humbur objekti dhe qëllimi i procedurës administrative të filluar përpara ditës së zgjedhjeve

Ndërkohë për z. Tonin Marinaj, Komisioneri konstatoi se nuk përfshihet në kushtet e ndalimit për të ushtruar funksionin publik të kryetarit dhe vendosi vazhdimin e mandatit të z. Tonin Marinaj si Kryetar i Bashkisë Malësi e Madhe.

Gjithashtu, sot u plotësua edhe vakanca në Këshillin e Bashkisë Lezhë me kandidatin nga lista shumemërore e Partisë Socialiste të Shqipërisë, zj. Elsuida Prendi.