Përfundon faza e dytë e trajnimi i stafit të KQZ dhe ekspertëve të trajnimit dhe edukimit qytetar nën metodologjinë BRIDGE.

Objektivi parësor i kursit, ishte rritja e kapaciteteve të KQZ-së në ofrimin e programeve moderne, cilësore dhe efektive të trajnimit dhe edukimit në përmirësimin e pjesëmarrjes dhe administrimit zgjedhor.
Ky trajnim po zbatohet nga Akademia e Studimeve Politike me mbështetjen dhe në partneritet të ngushtë me Prezencën e OSBE-së në Tiranë dhe Zyrën e Këshillit të Evropës, nën mentorimin e ekspertëve të BRIDGE, zj. Doina Bordeianu dhe zj. Madalena Koja.

Përgjatë 5 ditëve u trajnuan rreth 40 pjestarë të Administratës së KQZ-së dhe përfaqësues të shoqërisë civile dhe u certifikuan dy trajnuesit e rinj të Komisionit Qendror të Zgjedhjeve, zj. Ilirjana Nano dhe z. Erion Meta

Përvetësimi i metodologjisë BRIDGE synon të diversifikojë dhe modernizojë metodat e ofrimit të trajnimeve të KQZ-së në Shqipëri bazuar në parimet e të mësuarit për të rriturit dhe të zhvillojë aftësitë institucionale për hartimin e kurrikulave.

Certifikimi i akredituar BRIDGE i trupave zgjedhore, i cili përdoret në mbi 40 vende të ndryshme, nisi të zbatohet për herë të parë në Shqipëri në vitin 2022, ku u certifikuan si bashkë-lehtësues të BRIDGE, 18 administratorë zgjedhorë të KQZ-së.