Sot, Komisioneri Shtetëror i Zgjedhjeve në seancë publike plotësoi vakancat e krijuara në dy këshilla bashkiakë.

U plotësua vakanca në Këshillin e Bashkisë Korçë me kandidatin nga lista shumemërore e “Partisë Socialiste të Shqipërisë”, z. Dejvi Hoxha dhe vakanca në Këshillin e Bashkisë Divjakë me kandidatin nga lista shumemërore e “Partisë Agrare Ambjentaliste të Shqipërisë”, zj. Drita Metani.

Gjithashtu, u vijua shqyrtimi shqyrtimi administrativ i rezultatit të verifikimit për subjektin vetëdeklarues, z. Kreshnik Hajdari, Kryetar i Bashkisë Kuçovë, i propozuar nga subjekti zgjedhor “Partia Socialiste e Shqipërisë”.

Pala e interesuar, avokati i z. Lefter Maliqi kërkoi përjashtimin e Komisionerit Shtetëror të Zgjedhjeve nga shqyrtimi i kësaj çeshtje, me argumetin e konfliktit të interest, si organi që e ka shqyrtuar dhe ka vendimmarrje të mëparshme për objektin e kësaj çështje.

KSHZ vendosi pranimin e kësaj kërkese.

Ndërkohë, me kërkesë të partive politike për më shumë kohë për të studiuar raportin, u shty shqyrtimi i raportit të gjetjeve nga auditimi i fondeve të përfituara dhe shpenzuara nga subjektet zgjedhore pjesëmarrëse në zgjedhjet për Kuvend, të datës 11 maj 2025.